कोष तथा लेखा नियन्त्रक कार्यालय, कपिलवस्तु, नेपाल सरकारको सार्वजनिक वित्तीय व्यवस्थापन प्रणालीअन्तर्गत जिल्लास्तरमा स्थापना गरिएको एक महत्वपूर्ण निकाय हो। वि.सं. २०३८ सालमा स्थापना भएको यस कार्यालयले जिल्लाभित्रका सरकारी निकायहरूको वित्तीय अनुशासन कायम राख्दै पारदर्शी, उत्तरदायी र प्रभावकारी वित्तीय व्यवस्थापनमा महत्वपूर्ण भूमिका निर्वाह गर्दै आएको छ।

हाल यस कार्यालयमा १२ जना कर्मचारी कार्यरत रहेका छन् भने जिल्लाभित्रका करिब ६५ वटा सरकारी कार्यालयहरूलाई वित्तीय सेवा प्रदान गर्दै आएको छ। यस कार्यालयले संघीय सरकारबाट विनियोजित बजेटको निकासा तथा नियन्त्रण, राजस्व तथा खर्चको यथार्थ लेखांकन, वित्तीय प्रतिवेदन तयार गर्ने तथा सम्बन्धित निकायहरूलाई आवश्यक वित्तीय सूचना उपलब्ध गराउने कार्य गर्दछ।